प्रधानमन्त्री केपी शर्मा ओलीले सिंगापुरबाट भिडियो कन्फ्रेन्स मार्फत मन्त्रीपरिषद बैठकको अध्यक्षता गरे । उनले भिडियो कन्फ्रेन्स मार्फत बैठकको सञ्चालन गरेका हुन्। नेपालको इतिहास मैं पहिलोपटक मन्त्रिपरिषदको बैठक यसरी सञ्चालन भएको हो । यहाँ भने उपप्रधानमन्त्री इश्र्वर पोखरेलले बैठकको नेतृत्व गरेका थिए । आजको बैठकमा सरकारले गर्नुपर्ने नियमित कामका बारेमा छलफल भएको थियो ।
भिडियो कन्फ्रेन्समा सिंहदरवारस्थित प्रधानमन्त्री तथा मन्त्रीपरिषदको कार्यालयबाट मन्त्रीहरू सहभागी भएका थिए र सिंगापुरबाट प्रधानमन्त्री ओलीले सम्बोधन गरेका थिए । यसअघि मन्त्रीपरिषद बैठकले प्रधानमन्त्री सिंगापुर जानुअघि भिडियो कन्फ्रेन्स बाटै बैठक सञ्चालन गर्न सकिने व्यवस्था पारित गरेको थियो। बैठक कुन विधिबाट चलाउने भन्ने कुरा मन्त्रिपरिषदको बैठकबाट पारित गरे अनुरुपमात्र चलाउन मिल्ने भएकोले सो विधि पारित गरिएको हो ।
प्रधानमन्त्री ओलीको उपचारको क्रममा प्लाज्मा फेरेसिस प्रक्रिया गत शुक्रबारबाट नेशनल युनिभर्सिटी हस्पीटल सिंगापुरमा शुरु गरिएको छ। प्रधानमन्त्री ओलीको स्वास्थ्य अहिले सामान्य अवस्थामा रहेको उनका निजी चिकित्सक प्रा डा. दिव्यासिंह शाहले बताएकी छन्।
