युरोकप २०२० को छनौटमा स्पेन बराबरीमा रोकिएको छ ।
समुह एफ अन्तर्गत गएराती सम्पन्न खेलमा स्पेन नर्वेसँग १–१ गोलको बराबरीमा रोकिएको हो ।
नर्वेले खेलको अन्तिम समयमा पेनाल्टी पाएपछि गोल गर्दै स्पेनलाई जितबाट रोकेको हो । यस अघि ६ खेलमा विजयी स्पेनको विजयी सिलसिला समेत नर्वेले रोकेको छ ।
स्पेनका लागि खेलको ४७ औ मिनेटमा साउलले गोल गरेका थिए भने नर्वेका लागि खेलको ९४औ मिनेटमा जोशुआ किंगले पेनाल्टीमा गोल गरेका थिए ।
यो बराबरी पछि स्पेनको ७ खेलमा १९ अंक भएको छ भने युरोकपमा छनौट हुन् अब एक जित टाढा रहेको छ । त्यस्तै नर्वे भने ७ खेलमा १० अंक हासिल गरेको छ भने अंक तालिकामा तेस्रो स्थानमा रहेको छ ।
