इटालियन सिरी ए मा युभेन्टसले बोलोग्नालाई पराजित गरेको छ । गएराती सम्पन्न खेलमा युभेन्टसले बोलोग्नालाई २–१ गोल अन्तरले पराजित गरेको हो ।
युभेन्टसको जितमा क्रिस्टियानो रोनाल्डो र मिरालेम पजानिकले एक एक गोल गरेभने बोलोग्नोका लागि एक गोल डानिलोले गरेका थिए ।
युभेन्टसका लागि खेलको १९औ मिनेटमा रोनाल्डोले गोल गर्दै युभेन्टसलाई शुरुवाती अग्रता दिलाएका थिए । त्यसपछि बोलोग्नोले खेलको २६औ मिनेटमा गोल गर्दै खेल बराबरी गरेको थियो ।
पहिलो हाफमा १–१ को बराबरीमा रहेको खेलमा खेलको ५४ औ मिनेटमा पजानिकले गोल गर्दै युभेन्टसलाई २(१ को अग्रता दिलाएका थिए ।
यो जितपछि युभेन्टसको ८ खेलमा २२ अंक भएको छ भने नाक तालिकामा शिर्ष स्थानमा रहेको छ । दोस्रो स्थानमा रहेको इन्टर मिलान भन्दा ४ अंकले अगाडी भएको छ । त्यस्तै बोलोग्नोको भने ८ खेलमा ९ अंक भएको छ ।
