स्पेनिस ला लिगामा बार्सिलोनाले रियल भालाडोलिडलाई पराजित गर्दै शीर्ष स्थानमा उक्लिएको छ ।
मंगलबार राति आफ्नै मैदानमा भएको खेलमा भालाडोलिडलाई ५–१ गोलअन्तरले पराजित गर्दै बार्सिलोना शीर्ष स्थानमा उक्लिएको हो ।
बार्सिलोनाको जितमा कप्तान लियोनल मेसीले दुई गोल गरे भने क्लेमेन्ट लेङलेट, आर्थुरो भिडाल र लुइस स्वरेजले एक एक गोल गरेका थिए । रियल भालाडोलिडका लागि किकोले गोल फर्काएका थिए ।
यो जितसँगै बार्सिलोनाले १० खेलबाट २२ अंक बनाउँदै लिगको शीर्ष स्थानमा उक्लिएको छ । पराजित रियल भालाडोलिड भने लिगको नवौं स्थानमा छ । लिगको दोस्रो स्थानमा भने ग्रानाडा छ ।
