क्रिकेटका महान खेलाडी सचिन तेन्दुलकरले पशुपतिनाथको दर्शन गरेका छन् । नेपाल भ्रमणमा हरेका भारतका महान क्रिकेटर सचिन तेन्दुलकर आइतबार बिहानै पशुपतिनाथको दर्शन गरेका हुन् ।
पशुपतिनाथमा उनले विशेष पूजा गरेका छन् । शुक्रबार राति नेपाल आएका तेन्दुलकरले शनिबार त्रिवि क्रिकेट मैदान कीर्तिपुरको अवलोकन गर्नुका साथै बालबालिकासँग मैत्रिपूर्ण क्रिकेट खेलेका थिए ।
युनिसेफको आयोजनामा कीर्तिपुर मैदानमा भएको खेलमा सचिनको टिमले विनोद दासको टिमलाई पराजित गरेको थियो ।
बालअधिकार सम्बन्धी महासन्धि पारित भएको ३० वर्ष पूरा भएको उपलक्ष्यमा नेपालस्थित युनिसेफ कार्यालयले मैत्रीपूर्ण क्रिकेट प्रतियोगिताको आयोजना गरेको थियो । सचिन युनिसेफका सद्धभावना दूत हुन् ।
