इटालियन सिरी ए मा युभेन्टस विजयी भएको छ । गएराती सम्पन्न खेलमा युभेन्टसले साम्पडोरियालाई २-१ गोल अन्तरले पराजित गरेको छ । युभेन्टसको जितमा क्रिस्टियानो रोनाल्डो र पाउलो डिबालाले एक एक गोल गरेका थिए ।
साम्पडोरियाका लागि जियानलुका काप्रारीले एक गोल गरेका थिए । त्यस्तै साम्पडोरियाका अन्तिम मिनेटमा जियानलुका काप्रारीले रातो कार्ड पाएर मैदान छोडेका थिए ।
यो खेलपछि गियान्लुइगी बुफानले सिरी ए मा अहिलेसम्म धेरै खेल खेलेका पाओलो माल्दिनीको ६४७ खेलको रेकर्डको बराबरी बनाएका छन् ।
त्यस्तै युभेन्टसका म्यानेजर माउरिजियो सारीले सिरी ए मा म्यानेजरको रुपमा सयौ खेलमा जित हासिल गरेका छन् । सारीले सिरी ए मा म्यानेजरको रुपमा १६९ खेल खेलेका छन् ।
योसँगै युभेन्टस १७ खेलमा ४२ अंक हासिल गर्दै शिर्ष स्थानमा पुगेको छ । त्यस्तै इन्टर मिलान भने एक खेल कम खेलेर १६ खेलमा ३९ अंक हासिल गर्दै दोस्रो स्थानमा रहेको छ । त्यस्तै साम्पडोरियाको भने १७ खेलमा १५ अंक हासिल गर्दै १७औ स्थानमा रहेको छ ।
