इङलिश प्रिमियर लिग अन्तर्गत लिभरपुलले वोल्भ्समाथि जित हासिल गर्दै आफ्नो अपराजित यात्रा कायम राखेको छ ।

गएराती सम्पन्न खेलमा लिभरपुलले वोल्भ्सलाई १-० को गोल अन्तरले पराजित गरेको हो । लिभरपुलको जितमा साडियो मानेले गोल गरेका थिए । मानेले खेलको ४२औ मिनेटमा गोल गर्दै लिभरपुललाई पहिलो हाफमा अग्रता दिलाएका थिए । खेलमा त्यसपछि कुनै गोल भएन र खेल लिभरपुलले १-० ले जित्यो ।

यो जितपछि लिभरपुलले आफ्नो घरेलु मैदानमा लगातार ५० खेल जितेको किर्तिमान बनाएको छ । लिगमा खेलेका १९ खेलमा १८ जित र एक बराबरीसहित लिभरपुल ५५ अंकसहित शिर्ष स्थानमा रहेको छ ।

दोस्रो स्थानमा रहेको लेस्टर सिटी भन्दा १३ अंकको अग्रता हासिल गरेको लिभरपुल एक खेल कम खेलेको छ ।