स्पेनिस दुइ महारथी क्लब बार्सिलोना र रियल म्याड्रिड कोपा डेल रेबाट बाहिरिएका छन् ।
गएराती सम्पन्न क्वाटरफाइनलका खेलमा दुवै टिम पराजित भएसँगै उनीहरु क्वाटरफाइनलबाटै बाहिरिएका हुन् ।
बार्सिलोना एथलेटिक बिलबाओसँग १-० गोल अन्तरले पराजित भयो । बिल्बाओका लागि इनाक विलियम्सले इन्जुरी समयको तेस्रो मिनेटमा गोल गर्दै बार्सिलोनालाई प्रतियोगिताबाट नै बाहिर पठाएका थिए ।
त्यस्तै क्वाटरफाइनलको अर्को खेलमा रियल सोसियडाडले रियल म्याड्रिडलाई ४-३ गोल अन्तरले पराजित गरेको छ । सोसियडाडको जितमा एलेक्जेन्डर इसाकीले दुई गोल गरेका थिए । त्यस्तै मार्टिन ओडेगार्ड र मिकेल मेरिनोले एक एक गोल गरेका थिए । त्यस्तै रियलका लागि मार्सोलो, रोड्रीगो र नाचोले एक एक गोल गरेका थिए ।
योसँगै यस सिजनको स्पेनिस कोपाको सेमिफाइनलको समीकरण पुरा भएको छ । रियल सोसीयडाड र एथलेटिको बिलबाओका साथै ग्रानडा र मिराण्डेज सेमिफाइनलमा पुगेका छन् । कोपा सेमिफाइनलको खेल आज हुँदै छ ।
