अमेरिकाको न्यूयोर्कबाट लण्डनका लागि उडेको एउटा जहाजले निर्धारित समयभन्दा ८० मिनेट अगाडि पुगेर नयाँ कीर्तिमान बनाएको छ । ब्रिटिश एयरवेजको बोईङ ७४७ जेट बिमान हुरीबतासका कारण निर्धारित समयभन्दा अगाडि नै गन्तव्यमा पुगेको थियो ।

न्यूयोर्कबाट लण्डन पुग्न औषतमा ६ घण्टा १३ मिनेटको समय लाग्ने गरेकोमा त्यो जहाज ४ घण्टा ५६ मिनेटमै पुगेको थियो । यसअघि सन् २०१८ को जनवरीमा नर्वेजियन विमान ५ घण्टा १३ सेकेण्डमा पुगेर रेकर्ड बनाएको थियो ।