३ जना बलिया युवकको अगाडि एक्ली किशोरीको केही जोर चल्दैन भन्ने मानिन्छ तर एक किशोरीले ३ जनालाई धुलो चटाएर आफ्नो इज्जत बचाइन् । उनले एक जनाको त दाँतसमेत झारिदिएकी छिन् ।

दैनिक भास्करको समाचार अनुसार यी किशोरी भारतको छत्तीसगढ राज्यको रायपुरकी हुन् । उनी सोमबार बालोद–रजनांदगांव मार्ग हुँदै परीक्षा दिन गइरहेकी थिइन् । बाटोमा उनलाई तीन जना नकाबधारीले अपहरण गरे । उनीहरुले कारमा छात्रालाई बलात्कारको प्रयास गरे । बाटोमै छात्राले विरोध गर्न सुरु गरिसकेकी थियन् । आरोपीहरुले पाररास नाला नजिकै कार रोकेपछि छात्रा झरेर स्कुटरतर्फ भागिन् । उनले ढुंगाले हानेर एक अपहरणकारीको दाँत झारिदिइन् । त्यसपछि आरोपीहरु त्यहाँबाट भागे । पुलिसले तीन आरोपीहरु विरुद्ध अपहरण र बलात्कार प्रयास अभियोगमा मुद्दा दर्ता गरेको छ । छात्रा दुधली उच्च माविमा पढ्छिन् । उनको स्कुलका केही संदिग्ध छात्रहरुसँग पनि सोधपुछ भइरहेको छ । सबै आरोपी नकाब लगाएका थिए त्यसैले अनुसन्धानमा कठिनाइ भएको छ ।