इङल्याण्डले दक्षिण अफ्रीकाविरुद्धको टी-२० सिरिज जितेको छ । गएराती सम्पन्न सिरिजको अन्तिम खेल इङल्याण्डले ५ विकेटले जितेको हो । दक्षिण अफ्रीकाले दिएको २२३ रनको लक्ष्य पछाएको इङल्याण्डले १९.१ ओभरमा ५ विकेट गुमाउदै लक्ष्य पुरा गरेको थियो ।
इङल्याण्डका लागि जोनी बैरस्ट्रवले सर्वाधिक ३४ बलमा ६४ रन बनाएका थिए भने जोस बटलर र कप्तान इयोन मोर्गनले ५७-५७ रन बनाएका थिए । बटलरले २९ बलमा ५७ रन बनाए भने मोर्गनले २२ बलमा ५७ रन बनाएका थिए । त्यस्तै बेन स्टोकले १२ बलमा २२ रन बनाएका थिए ।
यसअघि टस जितेर पहिला ब्याटिंग गरेको दक्षिण अफ्रीकाले २० ओभरमा ६ विकेट गुमाउदै २२२ रन बनाएको थियो । दक्षिण अफ्रीकाका लागि हेनरीच क्लासेनले ३३ बलमा ६६ रन बनाएका थिए । त्यस्तै टेम्बा बभुमाले ४९ रन बनाए भने कप्तान क्वेंटन डिकक र डेविड मिलरले ३५-३५ रन बनाएका थिए ।
इङल्याण्डका बलर बेन स्टोक र टम कुरानले २-२ विकेट लिएका थिए । यस खेलको प्लेयर अफ द म्याच र यस सिरिजको प्लेयर अफ द सिरिज इङल्याण्डका कप्तान इयोन मोर्गन बनेका थिए ।
यो जितसँगै इङल्याण्डले ३ खेलको सिरिज २-१ ले जितेको छ । योसँगै इङल्याण्डको दक्षिण अफ्रीका टुर सकिएको छ ।
