भारतीय प्रधानमन्त्री नरेन्द्र मोदीले मिर्गौला प्रत्यारोपण गर्न लागेका प्रधानमन्त्री केपी शर्मा ओलीको प्रत्यारोपण सफलताको कामना गरेका छन् । उनले अगाडि लेखेका छन्, ‘भगवान पशुपतिनाथले तपाईलाई स्वास्थ्य, खुशी र दीर्घ जीवनको लागि आशिर्वाद प्रदान गरुन् ।’
आज बिहान ट्वीट गर्दै भारतीय प्रधानमन्त्री मोदीले प्रधानमन्त्री ओलीको मिर्गौला प्रत्यारोपण सफल भई शीघ्र स्वास्थ्य लाभ होस् भन्ने कामना गरेका हुन् । नेपाल–भारतको सम्बन्ध थप नयाँ उचाईमा लैजानका लागि प्रधानमन्त्री ओलीसँगको सहकार्यको कामना पनि उनले गरेका छन् ।
प्रधानमन्त्री ओलीको यही बुधबार त्रिवि शिक्षण अस्पतालमा मिर्गौला प्रत्यारोपण हुँदैछ । त्यसैका लागि ओली आजै अस्पताल भर्ना हुँदैछन् ।
My dear friend @kpsharmaoli ji, wishing you a successful surgery and a speedy recovery. May Lord Pashupatinath bless you always with good health, happiness and a very long life. Look forward to your continued contribution to taking India-Nepal relations to new heights.
— Narendra Modi (@narendramodi) March 2, 2020
