आज बुधबार पहाडी भेगको एकदुई ठाउँमा मेघगर्जनसहित पानी पर्ने संभावना रहेको मौसमविद्ले बताएका छन् । स्थानीय वायुसँगै पश्चिमी वायुको प्रभावले आज पहाडी भेगको एकदुई ठाउँमा मेघगर्जनसहित पानी पर्ने सम्भावना रहेको मौसमविद प्रतिभा मानन्धरले जानकारी दिइन् । उनका अनुसार अरु ठाउँको मौसम भने सामान्यतया सफा नै रहनेछ ।
पश्चिमी वायु अझै फैलिने भएकाले विहीबार आजको भन्दा धेरै पानी पर्ने उनको अनुमान छ । प्रि-मनसुन शुरु भैसकेकाले बिहान मौसम खुले पनि दिउँसोपछि हुरीबतास चलेर बेलुकीतिर चट्याङसहित पानी पर्नु स्वभाविक हुने पनि उनको भनाइ छ ।
