नेपालले आजदेखि ८ देशका नागरिकलाई अनअनराइभल भिसा नदिने भएको छ । यसअघि ५ वटा देशका नागरिकलाई अनअराइभल भिसा नदिने निर्णय गरिएको भए पनि अहिले थप तीन देशका नागरिकलाई पनि आजदेखि अनअराइभल भिसा नदिने निर्णय गरेको हो ।

कोरोनाभाइरसको जोखिम बढेपछि यस्तो निर्णय लिइएको अध्यागमन विभागले जनाएको छ । यो निर्णय अल्पकालीन भएको अध्यागमन विभागले जनाएको छ ।

कोरोनाबाट उच्च जोखिममा रहेका मुलुकहरु फ्रान्स, स्पेन, जर्मनी, चीन, जापान, दक्षिण कोरिया, इटली र इरानका नागरिकलाई अनअराइभल भिसा नदिने निर्णय सरकारले गरेको हो ।