समाजवादी पार्टीका अध्यक्ष उपेन्द्र यादवले सरकारले अध्यादेश ल्याएर मुलुकलाई अस्थिरतामा धकेल्न खोजेको आरोप लगाएका छन्। समाजवादी पार्टीका अध्यक्ष यादवले यो बेलामा अध्यादेश ल्याएर मुलुकलाई केही फाइदा नहुने बताए ।

‘राजानीतिक स्थिरता देशको आवश्यकता हो । देशलाई अस्थिर बनाउने भनेको राष्ट्रघाती काम हो’ उनले भने, ‘दललाई अस्थिर बनाउने अनि मुलुकको राजनितिक स्थिरतालाई समाप्त पार्ने र लोकतन्त्रलाई समाप्त पार्ने दिशातर्फ यो कदम उन्मुख रहेको छ।’

कोरोनाको महामारीले जनता आत्तिएको मौका पारेर अध्यादेश ल्याइएको उनले बताए । ‘अरुबेला ल्याएको भए जनबिरोध हुन्थ्यो प्रदर्शन हुन्थे त्यही भएर यो मौका छोपीएको हो’ उनले भने, ‘यो जनताको भावना विपरितको काम हो भने जनताप्रतिको अनादर पनि हो।’