डडेल्धुरामा नातीले आफ्नै हजुरआमाको हत्या गरेका छन् । गन्यापधुरा –२ कुवरगाँउका २४ वर्षीय रोशनराज गिरीले आफ्नै ७३ वर्षीया हजुरआमा राधादेवी गिरीको हत्या गरेको प्रहरीले जनाएको छ।
रोशनराजले धान कुट्ने काठ ९मुसल०ले टाउकोमा हिर्काएर हजुरआमालाई घाइते बनाएका थिए । घाइते भएकी बृद्ध गिरीलाई उपचारको लागि अस्पताल लैजाने क्रममा बाटोमै मृत्यु भएको जिल्ला प्रहरी कार्यालय डडेल्धुराले जनाएको छ।
घटनामा संलग्न मृतकका नाती रोशन राज गिरीलाई अमरगढी नगरपालिका –११ फिन्नेकोट स्थित लिटिरगाउँको जंगलबाट पक्राउ गरिएको प्रहरी नायव उपरिक्षक दधिराम न्यौपानेले बताए।
‘प्रारम्भिक जानकारी अनुसार घरायसी विवाद हुँदा नातिले हजुरआमालाई हिर्काएको भन्ने खुलेको छ’ डिएसपी न्यौपानेले भने –‘अहिले आफ्न्तले किटान जाहेरी दिएका छन् । घटनाबारे अनुसन्धान भइरहेको छ।’
