मैत्रीपूर्ण खेलमा लण्डन क्लब चेल्सीले फराकिलो जित हात पारेको छ । आईतबार भएको मैत्रीपूर्ण खेलमा क्युपीआरलाई ७–१ गोल अन्तरले हराएको हो । चेल्सीको जितमा मिडफिल्र रुबेन लोफ्टस चीक र बिली गिलमरले दुई दुई गोल गरे । मासन मौन्ट, विलियन र ओलिभर जिराउडले समान एक एक गोल गरे । फ्रान्क लाम्पार्डले प्रिमियर लिगको अबरुद्ध सिजन सुरु हुनै लाग्दा प्रभावशाली जित आत्मसाथ गरे ।
लोफ्टस चिकले पछिल्लो सिजनदेखि चेल्सीको सिनियर टिमबाट खेल्न पाएका छैनन् । चोटका कारण उनी मैदान बाहिर रहेका थिए । च्याम्पियनसिप टोली क्युपीआरबिरुद्ध एनगोलो कोन्टेले सुरुवातमै मैदानमा उत्रिएका थिए । उनी यसै हप्तामात्र पूर्णकालिन अभ्यासमा फर्किएका हुन् ।
बन्द रंगशालामा अघिल्लो खेलमा रिडिङसंग १–० ले पराजित भएपछि चेल्सीले प्रभाव देखिने जित निकालेको हो । लण्डन क्लबले अर्को आईतबार एस्टन भिल्लासंग खेल्दै लिगको सुरुवात गर्नेछ ।
लाम्पार्ड नेतृत्वको चेल्सी लिगको चौथो स्थानमा रहेको छ । कोरोना भाईरसको महामारीका कारण गत मार्चबाट लिग अबरुद्ध अवस्थामा रहेको छ । चेल्सीले पाँचौ स्थानको म्यान्चेष्टर युनाईटेडसंग ३ अंकको अग्रता लिएको छ ।
मैत्रीपूर्ण खेलमा चेल्सीका १८ बर्षिया खेलाडी गिलमरको प्रर्दशन उल्लेख्य रह्यो । उनले स्टामफोर्ड ब्रिजमा आफ्नो भविष्य रहेको संकेत गरे । चेल्सीले एस्टन भिल्लासंग आगामी आईतबार र जुन २५ मा म्यान्चेष्टर सिटीसंग खेल्नेछ ।
