पछिल्लो २४ घण्टामा भारतमा कोरोनाबाट मृत्यु हुनेको संख्या बढेको छ । हिजो ६ सय १४ जनाले कोरोना भाइरसका कारण ज्यान गुमाउँदा आज सो संख्यामा वृद्धि हुँदै ६ सय ८० पुगेको छ ।

पछिल्लो २४ घण्टामा भारतमा कोरोनाबाट ३५ हजार ४ सय ६८ जना संक्रमित हुँदा ६ सय ८० जनाको मृत्यु भएको हो । अहिलेसम्म भारतमा १० लाखभन्दा बढीमा कोरोना संक्रमण पुष्टि हुँदा ती मध्ये ६ लाख ३६ हजारभन्दा बढी निको भइसकेका छन् भने २५ हजार ६ सय ९ जनाको मृत्यु भइसकेको छ ।

कोरोनाबाट प्रभावित देशमध्ये भारत तेश्रो स्थानमा रहेको छ । गएको २४ घण्टामा भेटिएका कोरोना संक्रमित अहिलेसम्म कै सबैभन्दा धेरै हो ।