भारतमा अहिलेसम्मकै सबैभन्दा धेरै कोरोना संक्रमित फेला परेका छन् । विहीबार भारतमा एकैदिन ६९ हजार ६५२ संक्रमित थपिएका छन् । भारतमा एकैदिन यतिधेरै कोरोना संक्रमित थपिएको यो पहिलोपटक भएको जनाएको छ ।

भारतमा कोरोनाका कारण ज्यान गुमाउनको संख्या ५३ हजार ८६६ पुगेको विश्व स्वास्थ्य संगठनले जनाएको छ । भारतमा कोरोना संक्रमितको संख्या २८ लाख ३६ हजार ९२५ पुगेको तथ्यांकमा उल्लेख छ । सोही अवधीमा ९७७ कोरोना संक्रमितको मृत्यु भएको छ ।

भारत विश्वमा धेरै कोरोना संक्रमित हुने देशको सूचिमा अमेरिका र ब्राजिलपछि तेस्रो स्थानमा छ । भारतमा लकडाउन अन्त्य भएसँगै कोरोना संक्रमण तीव्र रुपमा बढिरेको छ ।