नेपाली बजारमा सुनको मुल्य आज पनि घटेको छ । साताको तेस्रो दिन ह्वात्तै घटेको सुन को मुल्य आज बुधबार १२ सयले घटेको छ । आज छापावाल सुनको मूल्य प्रतितोला ९४ हजार ३ सय निर्धारण गरिएको नेपाल सुनचाँदी व्यवसायी महासंघले जनाएको छ ।

यस्तै तेजावी सुनको मूल्यमा पनि १२ सयले घटेर ९३ हजार ८ सयमा कारोबार भएको छ । मगंलबार छापावाला सुनको मुल्य ९५ हजार ५ थियो भने तेजाबी सुनको मुल्य ९५ हजार थियो ।

त्यस्तै, आज चाँदीको मूल्य पनि ह्वात्तै घटेको छ । हिजो चाँदीको मूल्य प्रतितोला १३३० मा कारोबार भएकोमा आज तोलामा १४० रुपैयाँले घटेर ११९० कायम भएको महासंघले जनाएको छ ।