नवकान्तिपुर संवाददाता
काठमाडौं, १४ असोज ।
नेपाली बजारमा आज सुन तथा चाँदीको मूल्यमा वृद्धि भएको छ ।
मंगलवार प्रतितोला छापावाल सुनको मूल्य ९४ हजार २ सय रहेको थियो । आज तोलामा ५ सयले वृद्धि भइ प्रतितोला छापावाल सुनको मूल्य ९४ हजार ७ सय कायम भइ कारोवार भइरहेको नेपालमा सुन चाँदी व्यवसायी महासंघले जनाएको छ । त्यस्तै आज तेजावी सुनको मूल्य ९४ हजार २ सय रहेको छ ।
महासंघका अनुसार आज चाँदीको मूल्य प्रतितोला ११ सय ९० पुगेको छ । मंगलवार प्रतितोला चाँदीको मूल्य ११ सय ७५ रहेको थियो ।
