काठमाडौं । आज सुनको मूल्यले ओरालो यात्रा तय गरेको छ । आइतबार सुनको मूल्य तोलामा २ सय रुपैयाँले घटेर प्रतितोला ९४ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै, आइतबार तेजावी सुनको मूल्य पनि तोलाको २ सय रुपैयाँले नै घटेर प्रतितोला ९४ हजार २ सय रुपैयाँ कायम भएको छ ।

त्यसैगरी, चाँदीको मूल्य भने आज पनि स्थिर रहेको छ । आइतबार पनि चाँदी प्रतितोला १ हजार २ सय रूपैयाँमा नै कारोबार भइरहेको महासंघले बताएको छ ।