नवकान्तिपुर संवाददाता
काठमाडौं, १३ मंसिर ।
नेपाली बजारमा सोमबार सुनको मूल्य वृद्धि भएको छ । नेपाल सुनचाँदी व्यवसायी महासंघका अनुसार आइतबार तोलामा ९४ हजार २०० रुपैयाँमा कारोबार भएको छापावाल सुन सोमबार बढेर तोलामा ९४ हजार ९०० रुपैयाँ पुगेको हो ।
यस्तै तेजावी सुनको मूल्य तोलामा ९४ हजार ४०० पुगेको छ ।
यसैबीच सोमबार चाँदीको मूल्य पनि बढेको छ । महासंघका अनुसार आइतबार तोलामा १ हजार २८० रुपैयाँमा कारोबार भएको चाँदीको मूल्य बढेर १ हजार ३१५ रुपैयाँमा कारोबार भएको हो ।
