कोपा इटालिया फुटबलको क्वाटरफाइनलमा युभेन्ट्स प्रवेश गरेको छ । मंगलबार राति भएको खेलमा युभेन्ट्सले साम्पडोरियालाई ४-१ ले पराजित गर्दै क्वाटरफाइनलमा स्थान सुरक्षित गरेको हो ।
युभेन्ट्सको घरेलु मैदानमा भएको एकतर्फी खेलमा खेलको २५ औं मिनेटमा जुवान कोर्डाडोले गोल गर्दै घरेलु टोलीलाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफको ५२ औं मिनेटमा डानिली रुगानीले गोल गर्दै युभेन्ट्सको अग्रता दोब्बर बनाए । खेलको ६३ औं मिनेटमा साम्पडोरियाका आन्द्रे कोन्टीले गोल गर्दै खेललाई २-१ को स्थितिमा ल्याए ।
तर, खेलको खेलको ६७ औं मिनेटमा डिबालाले गोल गर्दै युभेन्ट्सलाई ३-१ को अग्रता दिलाए । त्यसपछि खेलको ७७ औं मिनेटमा युभेन्ट्सका अल्भारो मोराटाले पेनाल्टीमा गोल गर्दै युभेन्ट्सलाई ४-१ को सहज जित दिलाए ।
