अभिनेता तथा चलचित्र निर्माता अमिताभ दयालको ६१ वर्षको उमेरमा निधन भएको छ । उनको बुधबार बिहान हृदयघातका कारण निधन भएको बताइएको छ ।

अमिताभ दयालकी पत्नी मृलिनी पाटिलले यो खबरको पुष्टि गरेकी छिन् । अमिताभ दयालले धेरै ठूला कलाकारसँग काम गरेका छन् । उनी फिल्म ‘विरुद्ध ’ मा अमिताभ बच्चन, सञ्जय दत्त र जोन अब्राहमसँग देखिएका थिए । उनले ओमपुरी, नन्दिता दाससँग फिल्म ‘कगार’ मा काम गरेका थिए ।

उनको मृत्युको पुष्टि गर्दै, अमिताभ दयालकी पत्नी मृणालिनी पाटिलले बताइन्, ‘उहाँलाई हृदयघातका कारण जनवरी १७ मा मुम्बईको नानावटी अस्पतालमा भर्ना गरिएको थियो। पछि उहाँमा कोरोना पोजेटिभ देखिएको थियो ।’

उपचारपछि शनिबार कोरोना मुक्त भएका अमिताभ दयालको आज पुनःहृदयघातका कारण मृत्यु भएको हो । अमिताभ दयालको अन्तिम संस्कार मुम्बईमा हुनेछ ।