नवकान्तिपुर संवाददाता
काठमाडौं, २६ माघ ।
माध्यमिक शिक्षा परीक्षा (एसईई) बैशाख ९ गतेदेखि २० गतेसम्म हुने भएको छ । आज बसेको राष्ट्रिय परीक्षा बोर्डको बैठकले परीक्षा सञ्चालनको निर्णय गरेको बोर्डका अध्यक्ष महाश्रम शर्माले जानकारी दिए ।
कोरोना महामारीका कारण पढाइ प्रभावित भएकाले बोर्डले नियमित समयभन्दा एक महिना ढिलो परीक्षा गर्न लागेको हो ।
स्थानीय तहको चुनावलाई समेत ध्यान दिएर बैशाख ९ गतेदेखि परीक्षा गर्न लागेको अध्यक्ष शर्माले बताए।
