नवकान्तिपुर संवाददाता
काठमाडौं, २८ माघ ।
चारदेशीय टी–ट्वान्टी सिरिज अन्तर्गत नेपालले आज शुक्रबार घरेलु टोली ओमानसँग प्रतिस्पर्धा गर्दैछ। आईसीसी पुरुष टी–ट्वान्टी विश्वकप छनोट अन्तर्गतको ग्लोबल छनोट ए अघि नेपालले चारदेशीय सिरिज खेल्न लागेको हो। सिरिजमा नेपाल र ओमानसँगै युएई र आयरल्यन्ड सहभागी छन्।
अल अमेरेट क्रिकेट मैदानमा हुने नेपाल र ओमानबीचको खेल दिउँसो ३ः४५ बजे सुरु हुनेछ। नेपालले ओमानसँग टी–ट्वान्टीमा पछिल्लो पटक २०१९ मा खेलेको थियो। जसमा नेपाल ६ विकेटले पराजित भएको थियो।
सिरिज अन्तर्गत नेपालले दोसो खेलमा युएईसँग शनिबार खेल्नेछ । यस्तै नेपालले सोमबार आयरल्यान्डसँग खेल्नेछ।
