एएफसी एसियन कप छनोट अन्तर्गत तेस्रो चरणको खेल तालिका सार्वजनिक भएको छ । बिहीबार एसियन फुटबल कन्फेडेरेसन (एएफसी) ले सार्वजनिक गरेको ‘ड्र’ मा नेपाल समूह ‘ए’ मा परेको हो । एसियन कप छनोट अन्तर्गत तेस्रो चरणको खेलमा नेपाल कठिन समूहमा परेको छ ।

नेपाल रहेको समूहमा कुवेत, इन्डोनेसिया र जोर्डन रहेका छन् । यी टोली नेपालका लागि बलिया प्रतिद्वन्द्वी हुन् । एएफसीले छनोटमा सहभागी २४ टोलीलाई ६ समूहमा विभाजन गरेको हो । समूह ‘ए’ को छनोट खेल कुवेतमा हुनेछ । नेपालले पहिलो खेल जुन ८ मा जोर्डनसँग, दोस्रो खेल जुन ११ मा कुवेतसँग र तेस्री तथा अन्तिम खेल जुन १४ मा इन्डोनेसियाविरुद्ध खेल्नेछ ।

एएफसीले छनोटमा सहभागी २४ टोलीलाई ६ समूहमा विभाजन गरेको छ । प्रत्येक समूहको शीर्ष टोली र पाँचवटा उत्कृष्ट दोस्रो टोली सन् २०२३ मा चीनमा आयोजना हुने एसिएन कप फुटबलमा छनोट हुनेछन् । छनोट खेलहरु आगामी जुन ८ देखि १४ तारिखसम्म हुनेछ ।

खेलतालिका