इटालियन सिरी ए फुटबलमा इन्टर मिलान बराबरीमा रोकिएको छ । शुक्रबार राति भएको खेलमा जिनोआले इन्टरलाई गोलरहित बराबरीमा रोकेको हो।

जिनोआको घरेलु मैदानमा भएको निकै प्रतिस्पर्धात्मक बनेको खेलमा दुबै टोलीले केही गोल गर्ने सुन्दर अवसर खेर फाल्दा खेल बराबरीमा सकिएको हो । बराबरीसँगै दुदै टोलीले अंक बाँडेका छन् । त्यस्तै शीर्ष स्थानको एसी मिलानसँग अंक बराबरी गर्ने मौका पनि इन्टरले गुमाएको छ ।

बराबरीसँगै इन्टर २६ खेलमा ५५ अंक जोड्दै तालिकाको दोस्रो स्थानमा छ भने १७ अंक जोडेको जिनोआ पुछारबाट दोस्रो स्थानमा रहेको छ ।यस्तै शीर्ष स्थानमा रहेको एसी मिलान २७ खेलबाट ५७ अंक जोडेको छ ।