नवकान्तिपुर संवाददाता
काठमाडौं, १८ फागुन ।
कोपा इटालिया फुटबलमा एसी मिलान र इन्टर मिलानले बराबरी खेलेका छन् । मंगलबार राति भएको सेमिफाइनलको पहिलो लेगमा एसी मिलान र इन्टर मिलानले गोलरहित बराबरी खेलेका हुन् ।
निकै प्रतिस्पर्धात्मक बनेको खेलमा दुबै टोलीले केही सुन्दर अवसर खेर फाल्दा खेल गोलरहित बराबरीमा सकिएको हो । खेल बराबरीमा सकिएसँगै सेमिफाइनलको दोस्रो लेग रोमान्चक हुने अनुमान गर्न सकिन्छ । फाइनल पुग्ने टोलीको छिनोफानो दोस्रो लेगको खेलले टुंगो लगाउनेछ ।
मिलान डर्बीको दोस्रो लेग आगामी अप्रिल २० मा हुनेछ । उक्त खेल खेल सान सिरोमा हुनेछ ।
