इटालियन सिरी ए फुटबलमा इन्टर मिलानले फराकिलो जित दर्ता गरेको छ । शुक्रबार राति भएको खेलमा इन्टरले सालेरनिटानालाई ५-० को फराकिलो अन्तरले पराजित गरेको हो ।

इन्टरलाई फराकिलो जित दिलाउन लाउटरो मार्टिनेजले ह्याट्रिक गरे भने इडेन जेकोले दुई गोल गरे । एकतर्फी बनेको खेलमा खेलको २२ औं मिनेटमा मार्टिनेजले गोल गर्दै इन्टरलाईअग्रता दिलाएका थिए । त्यस्तै व्यक्तिगत दोस्रो गोल गेने क्रममा खेलको ४० औं मिनेटमा मार्टिनेजले गोल गर्दै टोलीको अग्रता दोब्बर बनाए । पहिलो हाफ २-० मा सकिएको खेलमा इन्टरले दोस्रो हाफमा ३ गोल गर्यो ।

खेलको ५६ औं मिनेटमा मार्टिनेजले ह्याट्रिक पूरा गर्दा इन्टर ३-० ले अघि रह्यो । यस्तै खेलको ६४ औं मिनेटमा इडेन जेकोले गोल गर्दा इन्टरको ४-० रह्यो । त्यसपछि व्यक्तिगत दोस्रो गोल गर्ने क्रममा खेलको ६९ औं मिनेटमा जेकोले गोल गर्दै इन्टरलाई ५-० को शानदार जित दिलाए ।जितसँगै इन्टर २७ खेलमा ५८ अंक जोड्दै शीर्ष स्थानमा उक्लिएको छ भने १५ अंक जोडेको सालेरनिटाना पुछारमा रहेको छ ।