नवकान्तिपुर संवाददाता
काठमाडौं, २५ फागुन ।
लिभरपुल च्याम्पियन्स लिग फुटबलको क्वाटरफाइनलमा प्रवेश गरेको छ । मंगलबार राति भएको दोस्रो लेगमा इटालियन क्लब इन्टर मिलानसँग १-० ले पराजित भएपनि इंग्लिस क्लब लिभरपुल समग्रमा २-१ ले विजयी हुँदै क्वाटरफाइनलमा प्रवेश गरेको हो ।
पहिलो लेगमा लिभरपुलले इन्टर मिलानलाई २-० ले पराजित गरेको थियो । एनफिल्डमा भएको निकै प्रतिस्पर्धात्मक खेलको पहिलो हाफ गोलरहित बराबरीमा सकिएको थियो । खेलको ६१ औं मिनेटमा लाउटरो मार्टिनेजले गोल गर्दै इन्टर मिलानलाई अग्रता दिलाए थिए । त्यसपछि थप समयमा दुवै टोलीबाट भएन र इन्टरले खेल १-० ले आफ्नो पक्षमा पारे पनि पहिलो लेगमा २-० को हार व्यहोरेको कारण समग्रमा २-१ ले पराजित हुँदै प्रतियोगिताबाट बाहिरियो ।
त्यसअघि ६३ औं मिनेटमा इन्टर मिलानका एलेक्सिस सान्चेजले दुई पहेलो कार्डसहित रातो कार्ड पाउँदा टोली १० खेलाडीमा समेटिएको थियो ।
