युरोपा लिग फुटबल अन्तर्गत राउण्ड अफ १६ को पहिलो लेगमा स्पेनिस क्लब बार्सिलोना बराबरीमा रोकिएको छ । बिहीबार राति भएको खेलमा टर्किस क्लब गलातासारेले बार्सिलोनालाई गोलरहित बराबरी रोकेको हो ।

बार्सिलोनाको घरेलु मैदानमा भएको निकै प्रतिस्पर्धात्मक बनेको खेलमा दुवै टोलीले गोल गर्ने केही सुन्दर अवसर खेर फलदा बराबरीमा चित्त बुझाउनु पार्यो । अब्ब बार्सिलोना र गलातासारेबीचको दोस्रो लेग आगामी मार्च १७ मा गलातासारेको घरेलु मैदानमा हुनेछ । त्यस्तै युरोपा लिग अन्तर्गत नै पहिलो लेगमा फ्रेन्च क्लब मोनाको ब्रागासँग २-० ले पराजित भएको छ ।

त्यसैगरी युरोपा लिग फुटबल अन्तर्गत राउण्ड अफ १६ को पहिलो लेगमा इटालियन लब एट्लान्टा विजयी भएको छ । बिहीबार राति भएको खेलमा एट्लान्टाले जर्मन क्लब बायर लिभरकुसेनलाई ३-२ ले पराजित गरेको छ भने एफक्रेभेना रेन्जर्ससँग ३-० ले पराजित भएको छ ।