इन्डियन प्रिमियर लिग (आईपीएल) टी-ट्वान्टी क्रिकेटको उपाधिको लागि नवप्रवेशी टोली गुजरात टाइटन्स र राजस्थान रोयल्स भिड्दैछन् । आज (आइतबार) अहमदाबादमा हुने फाइनल खेल नेपाली समय अनुसार राति ८:१५ बजे सुरु हुनेछ ।

निकै रोमान्चक हुने अनुमान गरिएको खेलमै दुबै टोली उपाधि जित्ने योजनाका साथ मैदानमा उत्रदै छन् । पहिलो क्वालिफायरमा राजस्थानलाई ७ विकेटले पराजित गर्दै गुजरात फाइनलमा प्रवेश गरेको हो भने दोस्रो क्वालिफायरमा रोयल च्यालेन्जर्स बैंगलोरलाई ७ विकेटले पराजित राजस्थान उपाधि नजिक पुगेको हो ।

इलिमिनेटर खेलमा लखनउ सुपर जाइन्ट्सलाई १४ रनले पराजित गर्दै बैंगलोर दोस्रो क्वालिफायरमा प्रवेश गरेको थियो । नवप्रवेशी टोली गुजरात पहिलो सहभागितामै फाइनलमा पुग्दै पहिलो उपाधि जित्ने योजनामा रहेको छ भने राजस्थान भने दोस्रो पटक उपाधि जित्ने सुरमा रहेको छ ।