आईसीसी पुरुष क्रिकेट विश्वकप लिग टू सिरिज अन्तर्गतको तेस्रो खेलमा नेपाल र ओमान भिड्दै छन् । आज (मंगलबार) सिरिजको लागि अमेरिकामा रहेको नेपाली राष्ट्रिय क्रिकेट टोलीले ओमानको सामना गर्न लागेको हो । नेपाल अमेरिका र ओमानसँगको त्रिकोणात्मक सिरिजका लागि अमेरिकामा रहेको छ ।

टेक्ससस्थित मोसा क्रिकेट मैदानमा हुने खेल नेपाली समय अनुसार राति ९:१५ बजे सुरु हुनेछ । नेपाल आज ओमानविरुद्ध जित निकाल्दै सिरिजमा पहिलो जित दर्ता गर्ने योजनाका साथ मैदान उत्रदै छ भने ओमान पनि नेपाललाई दोस्रो खेलमा पनि पराजित गर्ने योजना रहेको छ । सिरिज अन्तर्गत पहिलो खेलमा नेपाललाई ओमानले १३ रनले हराएको थियो । पछिल्लो नतिजा हेर्ने यसअघि भएको पाँच भेटमा ओमानले नेपाललाई ४ पटक पराजित गरेको छ भने नेपालले एक पटक ओमानलाई हराएको छ ।

ओमान ३२ खेलमा ४४ अंक जोड्दै अंक तालिकाको शीर्ष स्थानमा छ भने १४ खेलमा अ३ अंक जोडेको नेपाल छैटौं स्थानमा रहेको छ । सिरिजमा नेपालले अमेरिका र ओमानसँग दुई दुई खेल खेल्नेछ । अब नेपालले अन्तिम खेल अमेरिकाविरुद्ध जुन १५ मा खेल्नेछ ।