नवकान्तिपुर संवाददाता
काठमाडौं, २६ असार ।
चिनियाँ कम्युनिस्ट पार्टी (सिपिसी) का विदेश विभाग प्रमुख लिउ जियानचाओ नेतृत्वको टोली काठमाडौँ आइपुगेका छन् । आज (आइतबर) बिहान १० बजे सिपिसीका विदेश विभाग प्रमुख लिउ नेतृत्वको टोली काठमाडौँ आइपुगेका हुन् ।
लिउ नेतृत्वको टोली चार दिने नेपालमा रहने परराष्ट्र मन्त्रालयले जनाएको छ । आठ सदस्यीय टोलीको नेतृत्व गर्दै नेपाल आएका लिउ त्रिभुवन अन्तर्राष्ट्रिय विमानस्थलमा अवतरण गरी बत्तीसपुतलीस्थित द्वारिकाज होटलमा पुगेका थिए ।
नेपाल भ्रमणको क्रममा लिउले राष्ट्रपति विद्यादेवी भण्डारी, प्रधानमन्त्री शेरबहादुर देउवा, परराष्ट्रमन्त्री डा. नारायण खड्का, नेकपा एमाले अध्यक्ष केपी शर्मा ओली, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ लगायत नेतासँग भेटवार्ता गर्नेछन् ।
