नवकान्तिपुर संवाददाता
काठमाडौं, ३० असार ।
नेपाली टेलिचलचित्र ‘माया’ सार्वजनिक भएको छ । जातिय भेदभावको कथावस्तुलाई समेटेर बनाईएको टेलिचलचित्र प्रज्ञा फिल्मस् को ब्यानरमा बनेको हो । टेलिचलचित्रले एउटा नितान्त पारिवारिक र सामाजिक यथार्थताको भाव बोकेको छ ।
पछिल्लो समय सामान्यतया हास्यव्यङ्गय र मनोञ्जनमा आधारित सिरियल त धेरै नै बनेका छन् । तर, सामाजिक यतार्थलाई चित्रण गरेको सिरियल भने कम नै बन्ने गरेको छ । त्यसैले सामाजिक यथार्थ बोकेको हुनाले टेलिचलचित्र निर्माण गरेको निर्मात्री प्रज्ञा जोशीले बताइन् ।
‘माया’ले साँचो प्रेम गर्नेहरुका लागि जातभातले रोक्नु हुन्न, विभेद अन्त्य हुनपर्छ भन्ने मुल सन्देश दिन खोजिएको टेलिचलत्रिका लेखक तथा निर्देशक सरोज दाहालले बताए । टेलिचलचित्रमा प्रज्ञा जोशी, रश्मी भट्ट, आरजे सिंह, सरोज दाहाल, रमेश अधिकारी, राजाराम गौतम, मुना भण्डारी, रबिना बस्ताकोटी, प्रीया वाइबा लगायतका कलाकारको अभिनय देख्न सकिन्छ ।
जोन चाम्लिङ राईको छायांकन तथा सम्पादनमा बनेको टेलिचलचित्रको श्रृगार प्रिया नगरकोटीले गरेकी छिन् । सिनेमाहबको पोष्ट प्रोडक्सन रहेको टेलिचलचित्र प्रज्ञा फिल्मस् को अफिसियल युट्युब च्यानलमा सार्वजनिक भएको छ ।
भिडियो –
