घरेलु टोली आयरल्याण्डविरुद्धको टी-२० सिरिज न्युजिल्यान्डले जितेको छ । न्युजिल्यान्डले तीन खेलको टी-२० सिरिज ३-० ले जित्दै आयरल्याण्डविरुद्ध क्लिन स्विप गरेको हो ।

बेलफास्टस्थित सिभिल सर्भिस क्रिकेट क्लबको मैदानमा टस जितेर पहिले ब्याटिङ गरेको घरेलु टोली आयरल्याण्डले निर्धारित २० ओभरमा ६ विकेट गुमाउँदै १७४ रन बनाएको थियो । आयरल्याण्डका लागि पल स्ट्रर्लिङले ४० रन बनाए भने मार्क एडियर ३७ रनमा अविजित रहे । त्यस्तै लोर्कान टुकर २८ रन बनाई आउट भए भने ह्यारी टेक्टरले २३ रन जोडे । न्युजिल्यान्डका लागि ब्लेयर टिकनिर तथा ईस सोधीले समान २-२ विकेट लिए ।

१७५ रनको लिएर मैदान उत्रेको न्युजिल्यान्डले १९ ओभरमा ४ विकेट गुमाउँदै पूरा गर्यो । न्युजिल्यान्डका लागि ग्लेन फिलिप्सले अविजित रहँदै ५६ रनको अर्धशतकीय पारी खेले भने ड्रयारिल मिचेलले ४८ रन बनाए । यस्तै मार्टिन गुप्टिल २५ रन बनाई आउट भए भने जेम्स निशम २३ रनमा अविजित रहे । आयरल्याण्डका लागि जोस लिटिलले २ विकेट लिए भने क्रेग योङ तथा जर्ज डोक्रेलको भागमा समान १-१ विकेट रह्यो ।