प्रि-सिजन टुर अन्तर्गतको मैत्रीपूर्ण खेलमा आर्सनलले शानदार जित निकालेको छ । आइतबार बिहान भएको खेलमा आर्सनलले चेल्सीलाई ४-० को फराकिलो अन्तरले पराजित गरेको हो ।

फ्लोरिडामा भएको खेलमा आर्सनललाई शानदार जित दिलाउन ग्राबियल जिसस, मार्टिन ओडेगार्ड, बुकायो साका र अल्बर्ट सम्बिले समान १-१ गोल गरे । एकतर्फी बनेको खेलमा खेलको १५ औं मिनेटमा जिससले गोल गर्दै आर्सनललाई अग्रता दिलाएका थिए । त्यस्तै खेलको ३६ औं मिनेटमा मार्टिनले गोल गर्दै आर्सनलको अग्रता दोब्बर बनाए । पहिलो हाफ २-० मा सकिएको खेलमा दोस्रो हाफमा आर्सनलले थप २ गोल गर्यो ।

खेलको ६६ औं मिनेटमा साकाको गोलमार्फत आर्सनल ३-० ले अघि रह्यो । त्यसपछि खेलको इन्जुरी समयमा अल्बर्टले गोल गर्दै आर्सनललाई ४-० को सहज जित दिलाए । त्यसैगरी प्रि-सिजन अन्तर्गतको मैत्रीपूर्ण खेलमै टोटेनहमले रेन्जर्सलाई २-१ ले पराजित गर्दा म्यानचेस्टर सिटीले बायर्न म्युनिखलाई १-० ले हराएको छ ।