नवकान्तिपुर संवाददाता
काठमाडौं, १७ साउन ।
गायन रियालिटी शो ‘सारेगमप बंगाल’का उप विजेता गायक साईराज खातीको स्वरमा रहेको गीत ‘कसम’ को म्युजिक भिडियो सार्वजनिक भएको छ । गीतमा शब्द कुमार मिश्रको रहेको छ भने संगीत अम्बर तुम्बापो सुब्बाको रहेको छ ।
रोमान्टि भर्सनको यस गीतलाई मोहित मुनालले संगीत संयोजन गरेका हुन् । मोडल कमल सिंह र ललना चिमरिया बीचको अन्स्क्रिन प्रेम र रोमान्सले भरिपूर्ण ‘कसम’ म्युजिक भिडियोको सम्पूर्ण छायाँकन गौतम बुद्ध जन्मस्थल लुम्बिनी भित्र गरिएको हो।
बुद्ध थापाले छायाँकन गरेको भिडियोलाई विकाश दाहालले सम्पादन गरेका हुन् । भिडियोलाई प्रकाश धितालको कन्सेप्ट र निर्देशनमा तयार पारिएको हो । भिडियो ‘केके अक्टेभ’ नामक युट्युव च्यानल मार्फत सार्वजनिक गरिएको छ ।
भिडियो –
