नवकान्तिपुर संवाददाता
काठमाडौं, १९ साउन ।
आईसीसी टी-२० वरीयतामा नेपाली राष्ट्रिय क्रिकेट टिमका अलराउन्डर दीपेन्द्र सिंह ऐरीले सुधार गरेका छन् । अन्तर्राष्ट्रिय क्रिकेट परिषद् (आईसीसी) ले सार्वजनिक गरेको नयाँ वरीयतामा दीपेन्द्रले एक स्थान सुधार गरेका हुन् ।
नयाँ वरीयतामा दीपेन्द्र ४३ औं स्थानमा उक्लिएका छन् । उनी यसअघि ४४ औं स्थानमा रहेका थिए । त्यस्तै आईसीसी टी-२० अन्तर्राष्ट्रिय वरीयतामा नेपालका कुशल भुर्तेल ४० औं स्थानमा यथावत् छन् भने आसिफ शेख एक स्थान तल झदै ९७ औं स्थानमा रहेका छन् ।
यसैगरी टी–२० को बलिङतर्फको वरीयतामा सन्दीप लामिछाने ४१ औँ स्थानमा रहँदा अविनाश बोहरा भने ९२ औँ स्थानमा यथावत् रहेका छन् । यस्तै टी–२० अलराउण्डरतर्फ दीपेन्द्र सिंह ऐरी नवौं स्थानमा यथावत् रहेका छन् ।
