इंग्लिस प्रिमियर लिग फुटबलमा लिभरपुलले बराबरीमा रोकिएको छ । सोमबार राति भएको खेलमा क्रिस्टल प्यालेसले लिभरपुललाई १-१ को बराबरीमा रोकेको हो ।

निकै प्रतिस्पर्धात्मक बनेको खेलमा खेलको ३२ औं मिनेटमा विलफ्रेड जाहाले गोल गर्दै क्रिस्टल प्यालेसलाई अग्रता दिलाएका थिए । पहिलो हाफ १- मा सकिएको खेलमा दोस्रो हाफको ५७ औं मिनेटमा लिभरपुलका डार्विन नुनेजले रातो कार्ड पाएपछि टोली १० खेलाडीमा समेटिएको थियो ।

तर ,खेलको ६१ औं मिनेटमा लिभरपुलका लुइस डियाजले गोल गर्दै खेललाई बराबरीमा ल्याएका थिए । त्यसपछि थप समयमा दुबै टोलीबाट गोल भएन खेल १-१ को बराबरीमा सकिँदै दुबै टोलीले अंक बाँडे । लिभरपुलको यो लगातार दोस्रो बराबरी हो । लिभरपुल २ खेलमा २ अंक जोड्दै तालिकाको १२ औं स्थानमा छ भने १ अंक जोडेको क्रिस्टल प्यालेस १६ औं स्थानमा रहेको छ ।