बलिउड अभिनेत्री बिपाशा बासु आमा बन्दै छिन् । केही दिनयता बिपाशा बसु आमा बन्न लागेकी हुन् भन्ने चर्चा चलिरहेको थियो तर उनले यस विषयमा बोलेकी थिइन्न् ।

अन्ततः बिपाशा र उनका पति करण सिंह ग्रोवरले सामाजिक सञ्जालमा एक तस्विर सेयर गरेर गर्भवती भएको घोषणा गरे । बेबी बम्पको साथमा बिपाशा बासु देखिएकी छिन् भने उनको साथमा करण सिंह ग्रोवर छन् ।

यी तस्विरहरूसँगै करण र बिपाशाले लेखेका छन् ‘ हाम्रो जीवनको प्रिज्ममा नयाँ समय, नयाँ युग र नयाँ प्रकाश थपिएको छ र यसले हामीलाई अझ पूर्ण बनाउँछ । हामीले हाम्रो जीवन एक्लै सुरु गर्यौं, त्यसपछि हामी भेट्यौं र हामी दुई थियौं । दुईको लागि धेरै माया सही थिएन त्यसैले हामी तीन हुन जाँदैछौं । हाम्रो बच्चा हामीसँग सामेल हुन जाँदैछ। तपाईको माया, प्रार्थना र शुभकामना सधैं हाम्रो साथ थियो ।’

तस्विरमा विपाशा बेबी बम्पसहित देखिएकी छिन् र आमा बन्ने खुशी उनको अनुहारबाट प्रस्ट देखिन्छ । बिपाशाको र करणले अप्रिल २०१६ मा विवाह गरेका थिए । यी दुई पहिलो पटक फिल्म ‘अलोन’ को सेटमा भेटेका थिए जुन चाँडै प्रेममा परिणत भयो । त्यसपछि उनीहरुले विवाह गरे ।