नेपाली कांग्रेसका नेपाली कांग्रेसको संस्थापनइतर समूह (शेखरसमूह)ले चियापान कार्यक्रम आयोजना गरेको छ । आज (बिहीबार) नेता डा. शेखर कोइराला समूहले काठमाडौंको बत्तीसपुतलीस्थित अनुपम फुडल्यान्डमा चियापान कार्यक्रम आयोजना गरेका हुन् ।

चियापान कार्यक्रममा कोइरालासहित उपसभापति धनराज गुरुङ, महामन्त्री गगन थापा, अर्जुननरसिंह केसी, भूपेन्द्रजंग शाही मीनेन्द्र रिजाल, बलबहादुर केसी, सञ्जय गौतमलगायत शीर्ष नेताहरुको सहभागिता छ । त्यस्तै कार्यक्रममा पूर्वपदाधिकारी, केन्द्रीय सदस्य, जिल्ला सभापतिहरूसमेत सहभागी छन् । प्रतिनिधिसभाको समानुपातिकतर्फको बन्दसूचीप्रति शेखर समूहले असन्तुष्टि जनाएको छ ।

कांग्रेसभित्र समानुपातिक उम्मेदवार सूची बुझाउँदा शेखर पक्षलाई कम भाग दिएको भन्दै विरोध भइरहेको छ । यसै क्रममा शेखर पक्षले बुधबार पार्टी केन्द्रीय कार्यालय सानेपामा धर्ना पनि दिएको थियो । चियापानको यो कार्यक्रमलाई पनि शेखर पक्षले खबरदारीकै निरन्तरता भनेको छ ।