पछिल्लो चौबीस घण्टामा नेपालमा ४१ जनामा कोरोना भाइरसको संक्रमण पुष्टि भएको छ भने कसैको पनि मृत्यु भएको छैन । स्वास्थ्य तथा जनसंख्या मन्त्रालयका अनुसार देशभरका विभिन्‍न प्रयोगशालामा १ हजार २५० जनाको नमूना परीक्षण गरिएको थियो । जसमा ४४५ जनाको पीसीआर परीक्षण गर्दा ३९ जना र ८०५ एन्टिजेन परीक्षण गर्दा २ जनामा कोरोना पुष्टि भएको छ।

त्यस्तै, चौबीस घण्टामा कोरोनाका कारण कसैको पनि मृत्यु भएको छैन । नेपालमा हाल मृत्यु हुनेको संख्या १२ हजार १८ पुगेको मन्त्रालयले जनाएको छ । यस्तै आज ५९ जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ९ लाख ८७ हजार ७४१ जना पुगेको छ ।

नेपालमा हाल सक्रिय संक्रमितको संख्या ६९६ रहेको छ । यससँगै देशभर कोरोना संक्रमितको कुल संख्या पीसीआर विधिबाट १० लाख ४५५ र एन्टिजेन विधिबाट १ लाख ५२ हजार १३५ जना पुगेको छ ।