नवकान्तिपुर संवाददाता
काठमाडौं, २७ कार्तिक ।
पछिल्लो चौबीस घण्टामा नेपालमा १५ जनामा कोरोना भाइरसको संक्रमण पुष्टि भएको छ भने कसैको पनि मृत्यु भएको छैन । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १ हजार ९८५ जनाको नमूना परीक्षण गरिएको थियो । जसमा ७६४ जनाको पीसीआर परीक्षण गर्दा १४ जना र १ हजार २२१ को एन्टिजेन परीक्षण गर्दा १ जनामा कोरोना पुष्टि भएको छ।
त्यस्तै, चौबीस घण्टामा कोरोनाका कारण कसैको पनि मृत्यु भएको छैन । नेपालमा हाल मृत्यु हुनेको संख्या १२ हजार १९ पुगेको मन्त्रालयले जनाएको छ । यस्तै आज ३० जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ९ लाख ८८ हजार २७३ जना पुगेको छ ।
नेपालमा हाल सक्रिय संक्रमितको संख्या ५३० रहेको छ । यससँगै देशभर कोरोना संक्रमितको कुल संख्या पीसीआर विधिबाट १० लाख ८०६ र एन्टिजेन विधिबाट १ लाख ५२ हजार १९४ जना पुगेको छ ।
