नवकान्तिपुर संवाददाता
काठमाडौं, ६ मंसिर ।
झापा निर्वाचन क्षेत्र नम्बर ५ मा नेकपा एमालेका अध्यक्ष केपी शर्मा ओलीले अग्रता कायमै राखेका छन् । पछिल्लो मत गणनाअनुसार ओली १५ हजार ५१० मतसहित अग्रता कायमै राखेका हुन् ।
उनका निकटतम् प्रतिस्पर्धी नेपली कांग्रेसका खगेन्द्र पाण्डव अधिकारीले ८ हजार ९५५ मतसहित दोस्रो स्थानमा रहेका छन् ।
यस्तै जनमत पार्टीका भीम राजवंशीले १ हजार १११ मत पाएका छन् भने राष्ट्रिय स्वतन्त्र पार्टीका सुरेशकुमार पोख्रेलले २ हजार ८८३ मत पाएका छन् ।
