नवकान्तिपुर संवाददाता
काठमाडौं, ८ मंसिर ।
राष्ट्रिय स्वतन्त्र पार्टीका सभापति रवि लामिछाने चितवन क्षेत्र नम्बर २ मा भारी मतान्तरले विजयी भएका छन् । नेपाली कांग्रेसका उम्मेदवार उमेश श्रेष्ठलाई पराजित गर्दै रवि लामिछाने चितवन क्षेत्र नम्बर २ मा विजयी भएका हुन् ।
लामिछानेले ४९ हजार २६१ मत प्राप्त गर्दा निकटतम प्रतिद्वन्द्वी नेपाली कांग्रेसका श्रेष्ठले १५ हजार ९९ मत प्राप्त गरेका छन् । लामिछाने र श्रेष्ठबीच ३४ हजार १६२ मतान्तर रहेको छ ।
नेकपा एमालेका कृष्णभक्त श्रेष्ठ १४ हजार ६४९ मत ल्याउँदै तेस्रो स्थानमा रहे । चितवनमा रवि विजयी भएसँगै राष्ट्रिय स्वतन्त्र पार्टीले ६ स्थानमा विजय हासिल गरेको छ भने ३ स्थानमा अग्रता कायम राखेको छ ।
