नेकपा एमालेका अध्यक्ष केपी शर्मा ओली र नेपाली कांग्रेसका नेता अर्जुननरसिंह केसीबीच भेटवार्ता भएको छ । आइतबर साँझ अध्यक्ष ओलीको निमन्त्रणामा कांग्रेस नेता केसी बालकोट पुगेका हुन् ।

करिब २ घण्टा भएको छलफलमा पछिल्लो राजनीतिक घटना क्रमकाे विषयमा छलफल भएको थियो । त्यस्तै भेटमा नयाँ सरकार गठन, अर्थतन्त्र सुधारका लागि दलहरूबीच आवश्यक एकता र सहकार्य गर्ने बारेमा पनि छलफल भएको केसीको सचिवालयले जनाएको छ ।

जनजीविकाका सवालमा उठेका आवाजहरू सामूहिक रूपमा समाधान गर्ने, चुच्चे नक्सा अनुसारको भूगोल नेपालको हुनुपर्ने, भारतीय पक्षसँग वार्ता गर्न दलहरू एकमत हुने, अन्तर्राष्ट्रिय बजारमा पेट्रोलियम पदार्थको मूल्य घटेको सन्दर्भमा नेपालमा मूल्य घटाउन सत्तापक्ष र प्रतिपक्षको एउटै आवाज हुनुपर्ने भन्ने लगायतका विषयमा पनि दुई नेताबीच छलफल भएको थियो ।