नवकान्तिपुर संवाददाता
काठमाडौं, २९ मंसिर ।
बलिउड अभिनेता विवेक ओबराय नेपाल आइपुगेका छन् । बुधबार अभिनेता विवेक ओबराय आफ्नो परिवारसहित नेपाल घुम्न आएका हुन् ।
ओबराय व्यवसायी पुनम यादवको निम्तोमा नेपाल आएको र उनी दश दिन नेपालमा रहने बताइएको छ। ‘पहिलोपटक नेपाल आएको हुँ, मेरो बुबाआमा धेरै पटक आइसक्नुभएको छ’, त्रिभुवन विमानस्थलमा सञ्चारकर्मीसँग कुरा गर्दै उनले भने ।
नेपाल बसाइँका क्रममा उनले पशुपतिनाथ दर्शनका साथै लुम्बिनी, पोखरालगायत ठाउँ घुम्ने कार्यक्रम रहेको बताइएको छ । अभिनेता ओबरायले प्याराग्लाइडिङ, बन्जीजम्प, धौलागिरि हिमालको अवलोकनसँगै म्याग्दीको घोरेपानी क्षेत्र घुम्ने कार्यक्रम तय भएको छ ।
